Kryeministri Edi Rama deklaroi se është gati për t’u ulur në tryezë për dialog me opozitën, por qeveria dhe zgjedhjet e 30 qershorit nuk negociohen.

Rama pas 5 orësh mbledhje të kryesisë tha se është gati për të diskutuar me opozitën jashtë parlamentare, por jo për mandatin qeverisës.

“Jemi të disponueshëm për tu ulur në tryezë me të gjithë, pa asnjë përjashtim dhe pa asnjë paragjykim, për të diskutuar për problemet dhe në funksion të reformës zgjedhore.

Përsa i përket kushtetututës, ligjshmërisë dhe mandatit tonë të ligjshëm, këto nuk janë çështje për diskutim. Këto lidhen me detyrimet tona.

Jemi shumicë qeverisëse që kemi detyrim të mbajmë me nder dhe dinjitet mandatin deri në 2021.13 tetori për mua është njëlloj si 12 tetori, 14 tetori, si 22 dhjetori, nuk njoh ndonjë 13 tetor”, tha Rama.