Kryeministri i Shqipërisë Edi Rama u ndal në Durrës në një dëgjesë publike me qytetarët, për të përgatitur atë që ai e quan “Bashkëqeverisjen me Njerëzit në koalicionin e madh për Shqipërinë që duam”.

Në fjalën e tij Rama tha se shumë zyra, inspektoriate dhe institucione të pa dobishme do të mbyllen pasi nuk i shërbejnë qytetarëve. Në këtë drejtim, Rama dha dhe një shembull për “Policinë gri”, një strukturë që sipas kryeministrit ka shërbyer si shushunjë dhe për të marrë copën e tepsisë.

“Për reduktimin drastik të zyrave të institucioneve dhe tepërta, sepse janë një kosto e tepërt për shtetin, pasi mbahen në punë lloj lloj harbutësh dhe parazitësh që janë aty si rezultat i tepsisë. Kështu ulim kostot që u shktatohet njerëzve. Për shembull Drejtori i Policisë Gri, më çonte një mesazh, 'voto numrin 1 që të jesh i lumtur'. Ka absurd më të madh? Por nuk është vetëm Policia Gri, janë shumë struktura që deri tani kanë funksionuar si shushunja për të thithur gjakun e poullit”, tha Rama nga Durrësi.

Më tej në fjalën e  tij Rama dhe edhe detaje për qeverinë e re, e cila sipas tij do të jetë më e vogël, por më efiçente.

“Të gjitha këto ne po i përgatisimin që të jenë gati në shtator. Dhe duke filluar nga qeveria e re, e cila unë besoj se do të jetë më e vogël dhe më efiçente dhe më me pak institucione të pa dobishme”, u shpreh Rama.

Nuk do të ekzistojnë më ministri dhe agjenci që nuk begenisin ti lexojnë dhe jo t’u kthejnë përgjigje njerëzve. Struktura e komunikimit me njerëzit do të jetë e re dhe e fuqishme për të verifikuar cdo ankesë. Ata që largohen nga administrata për arsye mospërfillje të njerëzve nuk kanë të drejtë të afrohen për 10 vite” deklaroi Rama.