Një ditë pas deklaratës së fortë të bërë nga deputeti socialist i Kubinit Gjetan Gjetani, kryeministri Edi Rama ka marr vendimin drastik duke e përjashtuar nga grupi i Partisë Socialiste. Rama ka deklaruar se ky deputet ka bërë presion duke kërkuar që të punësojë njerëz në administratë.
“Sot nuk e pashë këtu dhe ka bërë mirë që nuk ka ardhur, deputeti i Kurbinit, i cili ka bërë presion për këdo, që kërkonte vende pune në administratë përjashtohet nga grupi parlamentar. Bëri deklaratë posaqi kundër policëve në Kurbin. Ky është një mësim për të gjithë deputetët. Të ndahet mirë futja e hundëve në administratë, sepse faturën e hajdutëve në hipoteka që janë futur në administratë me mbështetje politike e merr Partia Socialiste. Nuk ka vend në Partinë Socialiste. Këtu nuk jemi histori numrash. Mallkuar qoftë dhe në djall vaftë edhe pushteti ynë,me deklarata si ajo e djeshmja. Nuk gëlltisim deklarata të tilla”-u shpreh i irrituar kryeministri Rama. Ai tha se partia e tij nuk meriton të marr përsipër kosto për hajdutë, grabitqarë dhe ordinerë.
“Nuk e meritojmë që të marrim kosto për hajdut, grabitqarë, ordinerë që janë akoma në zyrat e shtetit, qofshin të trashëguar, qofshin të futur rishtas. Kush ka në kokë tepsinë nuk ka kuptuar akoma që PS nuk është as LSI, as PD e as nga ato bishtat e tjerë që i kemi kulaç përballë. PS është njësi dhe nuk është si 2 apo 3, se pastaj e kuptoni vetë se si bëhet gishti”-u shpreh Rama.
Më tej ai paralajmëroi forcat e tjera politike që mos mendojnë se do të përfitojnë nga përjashtimet e deputetëve. “Nëse ne mendojmë qoftë edhe për një sekondë që kjo ndarje rrit ca parti të vogla parazite bëjmë një gabim logjik. Shushunjat e shpërndara në trupin e shtetit thithin gjak për llogari të klaneve. PS duke kopjuar shushunjat thjesht humbet gjakun. Ç'farë fushate bëjmë ne për të hapur PS nëse nuk fokusohemi tek forcat më pozitive?”-deklaroi lideri i selisë rozë.