Gjatë takimit për bilancin e sezonit turistik, Rama e ka cilësuar këtë si sezonin më të sigurt, me pak aksidente por çmimet dhe shërbimet janë vënë shpesh në shënjestër të pushuesve shqiptarë. Megjithatë Rama ka këtë kundërpërgjigje për të gjithë kritikët në rrjete sociale.

"Tani turistët thonë: Shqipëria një vend shumë i bukur, me shërbim të mirë dhe çmime të lira. Kurse vetë ne shqiptarët themi: Shqipëria vend i shëmtuar, me çmime të larta dhe ata që shërbejnë janë për t’u vrarë. O turistët e huaj janë nën efektin e drogës që i kemi dhënë ne si qeveri, ose gënjejnë se s’ka mundësi tjetër" shprehet Rama

Pas një fjale të gjatë në bregdetin Gjirit të Lalëzit, Rama është i vetëdijshme se fjalët e tij të gjata shpesh dhe bezdisin qytetarët.

"Unë ju falënderoj, e fillova me rezistencën po e mbaroj me rezistencën, përveç njërit atje që duhet ta çoni në ujë sepse e zuri gjumi, ju të tjerët jeni në super formë pavarësisht diellit dhe të më dëgjonit mua,  që më dëgjoni edhe po të hapni frigoriferit" shprehet Rama