Kryeministri Edi Rama i ka dhënë përgjigje të gjithë skeptikëve për ecurinë e punës së qeverisë. Reformat e ndërmarra por edhe angazhimet e qeverisë në infrastrukturën rrugore duan kohën e duhur, dhe kjo ka një arësye të fortë sipas kryeministrit të vendit. Por përse kjo qeveri ka zgjedhur të punojë me hapa më të ngadaltë? Përgjigja e kësaj pyetje vjen nga vetë shefi i qeverisë, i cili gjatë inspektimeve të punës në aksin rrugor Qukës-Qafë Plloçë, një investim me vlerë 152 mln dollar, Edi Rama tha:

“Me të drejtë njerëzit nuk e kuptojnë sepse i duan gjërat të bëra me shpejtësi. Por, që të bëhen me shpejtësi të madhe duhen filluar që nga baza, ashtu siç duhen, jo t’i rikthehesh dhe njëherë themeleve, se përndryshe mund të bjerë e gjithë ngrehina. Një nga problemet kryesore që kishte projekti ishte që ishte një mur me rrugë ku asnjë nga njerëzit e gjithë kësaj hapësirë nuk kishte asnjë lloj aksesi. Tani është marrë masa që të gjithë komunitetet ta aksesojnë rrugën ashtu siç duhet, me parametra dhe standarde të përcaktuara”.