Gjatë një takimi me banorët e përmbyr në Krujë Edi Rama ka akuzuar drejtpërdrejt paraardhësin e tij se ka shkatërruar këtë zonë gjatë drjetimit të vendit. Ai nuk nguroj ta krahasojë këtë as me pushtuesit, madje tha se atë çfarë Sali Berisha i bëri Krujës nuk ia bëri asnjë sulltan.
Edi Rama:
“Ajo që është bërë me Krujën është e pashembullt në histori, siç ia hëngri malet Saliu Krujës, asnjë sulltan dhe gjithë sulltanët bashkë nuk ia hëngrën. Malet i gjetën dhe i lanë aty, ndërkohë që një zonë kaq e rëndësishme e historisë jo vetëm të Shqipërisë, në 20 e kusur vitesh u kthye në një platformë guroresh dhe çimentoje. Shumë shpejt do të nisë ndërtimi i rrugës që lidh Thumanën me Krujën, ndërkohë që do të investojmë në zonën historike dhe poshtë këtu në Fushë Krujë”.
Kryeministri Rama tha se brenda këtij viti, të gjithë banorët e prekur nga përmbytjet do të dëmshpërblehen.
Edi Rama:
“Sot ne jemi këtu për t’u thënë të gjitha familjeve që u përmbytën dhe që pësuan dëme nga 100 mijë lekë të vjetra deri në 6-7 milionë lekë të vjetra jo vetëm që nuk i harruam, por para mbylljes së vitit do t’i dëmshpërblejmë një për një, sepse nuk mund të bëjmë atë që bënë në të shkuarën, ata të cilët lanë një mal me borxhe për sa i përket pikërisht këtyre detyrimeve, borxhe nga katër anët”.