Në një takim me inxhinierët që do vlerësojnë dëmet, ministrja e Infrastrukturës dhe Energjisë, Belinda Balluku ka bërë një përmbledhje të situatës se krijuar prej tërmeteve. Ajo qartësoi se në zonën e Astirit dhe të Kombiatit ka pasur dëmtime vetëm në suvatë e banesave dhe nuk ka vend për alarm.

“E rëndësishme është të identifkojmë sigurinë e ndërtesave. Rasti i Astirit që pati alarm nga banorët kemi punuar gjithë natën mbrëmë dhe rezultoi se ishte një situatë e sigurt, ka vetem çarje e krisje të suvasë e jo në konstruksion. E njëjta gjë në zonën e Kombinatit, dëmtimet janë të lehta, suvaje e jo në konstruksion. Në të gjitha zonat janë identifikuar ato banesa private që mund të kenë problematike konstrksioni dhe i kemi sistemuar njerëzit, deri sa të ndërhyhet në ato banesa. Aktet e verifikimit duhen mbyllur sa me shpejt për 500 ndërtesat të deklaruara me pasoja nga tërmeti e me pas të vazhdojmë me aktet e vlerësimit”, tha ministrja Balluku.