Megjithëse Real Madridit i mungonte dyshja shkëlqyese Ronaldo-Bale, ‘Los Blancos’ kanë arritur të fitojnë me rezultatin 2-0 përballë Espanyolit. Real Madrid me në krye Zinedine Zidane po vazhdon që të tregojë formë të mirë në kampionat. “Los Blancos” mbrëmjen e sotme kanë mundur me rezultatin 2-0 Espanyol për llogari të javës së katërt të kampionatit. Golat për skuadrën e francezit janë shënuar nga James Rodriguez dhe Karim Benzema. Kështu, madrilenët kalojnë tri pikë sipër Barcelonës në tabelën e La Liga-s.