Në ndeshjen e javës së 19-të në kampionatin spanjoll, ‘Los Blancos’ triumfunan ndaj Sociedadit me rezultatin e thellë 3:0, duke thelluar edhe më tej kryesimin pas barazimit të Barcelonës. Golat për Realin në këtë takim i shënuar Kovaçiç në minutën e 38, Ronaldo në të 51-tën dhe Morata në minutën e 82 të takimit.

Ekipi i Zidane tani ka katër pikë më shumë se Barcelona dhe një ndeshje më pak të luajtur.

Barcelona humbi mundësinë për të marrë kreun e La Ligës duke u ndalur në barazim 1-1 në transfertë kundër Betisit. Por, katalanasit me siguri që do të ankohen për arbitrimin gjatë kësaj jave, pasi nuk iu akordua një gol pasi topi kishte kaluar plotësisht vijën fatale.

Një krosim i Aleix Vidal u devijua drejt portës nga një mbrojtës i Betisit dhe topi u largua pasi e kishte kaluar vijën. Edhe pse dukej qartë që ishte gol i pastër, arbitrat nuk e akorduan.

Vetëm disa minuta më vonë, një aksion i ngjashëm dhe sërish mbrojtësit e Betisit e largojnë topin në vijën fatale, por nga përsëritja u pa se topi nuk kishte hyrë. Golat e takimit u shënuan nga Alegria, në minutën e 75 për vendasit dhe nga Luis Suarez në minutën e 90.