Reali i Madridit shton interesin për talentin Dele Ali. Ylli i Totenhemit këtë sezon ka shkëlqyer në Premier Ligë, teksa në të gjitha garat ka shënuar plot 19 gola. Nuk janë vetëm shifrat ato që mund të sjellin këtë transferim, por edhe mosha mjaft e re e lojtarit si dhe talenti që ka.

Drejtuesit madrilenë e vëzhgojnë prej kohësh Dele Alin dhe mendojnë se do të ishte perfekt për ta transferuar në Madrid, mes shumë yjesh të tjerë. Për të bindur Totenhemin që ta lërë të lirë lojtarin janë menduar të ofrohen plot 80 mln euro, si edhe pagë e majme për vetë futbollistin.

Megjithatë, çdo gjë mbetet në kuadrin e fjalëve të merkatos pasi nga të dy klubet ende nuk ka asnjë lajm zyrtar lidhur me këtë çështje. Gjithsesi, merkato e verës pritet të sjellë shumë ndryshime në klubet e mëdha që duan të bëjnë një revolucion dhe të ndërtojnë skuadrat për të ardhmen.