Një nga pjesët më të vështira të prindërve është kur i çojnë fëmijët në ambientet e spitaleve për të marrë mjekim apo për ti bërë vaksinat e detyruara. E kjo jo vetëm për prindërit, por dhe për fëmijët të cilët shumica përjetojnë ankth dhe stres nga to.

Së fundmi realiteti virtual po përdoret për të shkëputur dhe qetësuar fëmijët e tmerruar nga injeksionet, marrja e mostrave të gjakut etj, duke reduktuar nivelin e tyre të dhembjes dhe ankthit.

Mjekët kanë vendosur t'i ndihmojnë ata duke ju vendosur syze të realitetit virtual ku shfaqen lojëra argëtuese apo imazhe relaksuese që riprodhonin valët e detit dhe peshqit që lundrojnë.

Dy spitale fëmijësh në Melburn që përdorën teknologjinë në mbi 250 fëmijë të moshave 4 deri 11 vjeç, arritën në përfundimin se realiteti virtual ka ulur dhimbjen nga 41-60%, ankthin nga 35-45% dhe nivelin e ankthit të prindërve deri në 75%. Dhe shumica e fëmijëve donin të vazhdonin trajtimin.

Kjo metodë e re vjen në ndihmë kryesisht për fëmijët, trajtimi i të cilëve me injeksione vazhdon për një kohë të gjatë.

Sipas specialistit të dhimbjes pediatrike Simon Cohen, i cili udhëhoqi projektin, përfitimet nga kjo metodë janë të mëdha pasi zbehin frikën dhe ata kanë më shumë mundësi të reduktojnë dhimbjet që ndjejnë fëmijët.