Disa prej emrave në listat shumemërore të PD-së dhe LSI-së pranuan të zëvendësonin deputetët që dogjën mandatet. Por ka edhe të tjerë të cilët e kanë refuzuar mandatin, duke i kthyer përgjigje negative KQZ-së.

Ibri Sako, një i ri pjesë e listës shumemërore të PD-së jo vetëm ka refuzuar mandatin por ai e ka djegur kërkesën e KQZ. “Pas kërkesës nga Komisioni Qendror i Zgjedhjeve për marrjen e mandatit të deputetit, vendosa që zyrtarisht të mos e pranoj atë me qëllimin për të qenë një me qytetarët dhe krahë tyre në çdo protestë. Interesi qytetar prevalon mbi interesat personale! Në politikë për ndryshim dhe zhvillim dhe jo për karrige dhe ofiqe”, shkruan ai në FB.