Regjisori i “Dunkirk”, filmit të parë në të cilin këngëtari britanik ka aktruar, Christopher Nolan tregoi për Associated Press që nuk ia kishte idenë sa i famshëm ishte Harry në momentin që e zgjodhi për rolin. “Nuk ia kisha shumë idenë kush ishte. Vajza ime më kishte folur për të, por unë personalisht nuk e dija dhe thjesht e përzgjodha pasi ishte jo vetëm i duhuri për rolin, por e fitoi vendin e tij në tavolinë në mënyrë të mrekullueshme” ishin fjalët e regjisorit të njohur, që ndër të tjera ka drejtuar edhe triologjinë “Batman: The Dark Knight”. Me fjalë të tjera, për këngëtarin 23 vjeçar ka triumfuar meritokracia.