Pas kërkesës së një dite më parë të 4 dekanëve të Fakulteteve të Universitetit të Tiranës, që kërkuan dorëheqjen e Rektorit Mynyr Koni, ky i fundit ka reaguar sot duke thënë se nuk do ta japë atë. Madje shton se ndjen keqardhje që për këtë letër nuk është njoftuar nga Ministria e Arsmit meqë pretendohet se ajo ka disa muaj që i është dërguar Nikollës. Koni mohon totalisht akuzat e katër dekanëve dhe thotë se është zgjedhur nga shumica e profesorëve dhe studentëve ndaj s’pajtohet me kërkesën e një minimumi personash, që kërkojnë dorëheqjen e tij të cilët kanë dhe lidhje të vjetra personale mes tyre.