Shtohen konkurrentët për mesfushorin portugez Renato Sanches, i cili dëshiron të transferohet te Milani. Sipas Sport Bild, Liverpool është gjithashtu i interesuar për lojtarin e Bayernit dhe është gati të bëjë një ofertë.

Megjithatë, Jürgen Klopp dëshiron ta blejë përfundimisht 19-vjeçarin, ndërsa Bayern kërkon ta japë vetëm një vit në huazim, për t’i dhënë edhe një shans vitin tjetër, pas zhgënjimit në sezonin e parë.

Ndërkohë, Milani synon ta marrë portugezin hua për dy sezone, por me të drejtë blerjeje në përfundim të huazimit, formulë e njëjtë si në rastet e Coman dhe Douglas Costa midis Bayern e Juventus.