Këngëtarët nuk kanë hezituar asnjëherë të hedhin thumba kundrejt njëri-tjetrit, por në disa raste edhe të shprehin publikisht vlerësimin që kanë për njëri-tjetrin.

I fundit që e ka bërë këtë ka qenë Don Phenom, i cili i pyetur se çfarë mendimi ka për Encën është përgjigjur: “Enca është super artiste, është diva, talent dhe pse jo mbretëreshë”.

Enca ka zgjedhur ta ripublikojë në llogarinë e saj këtë postim, duke treguar se gëzon një raport shumë të mirë me reperin.

Dyshja ka bashkëpunuar më parë me këngën “Kujt po i han”, e cila u kthye menjëherë në hit dhe numëron miliona klikime në kanalin e ‘Youtube’.