Zakonisht nuk jemi mësuar që reperët t’i shohim të përlotur, apo duke shfaqur pikat e tyre të dobëta. Ata zakonisht shfaqen si të fortë dhe moskokëçarës kur vjen puna tek ndjenjat. Por, mesa duket kjo gjë nuk është aspak e vërtetë sidomos kur vjen puna tek familja.
Bëhet fjalë për reperin e njohur shqiptarë “Gold Ag” ose Arian Agushi. Në moshën 6-vjeçare reperi i njohur humbi babain e tij me të cilin kishte një lidhje shumë të ngushtë. Duket që atij i mungon jashtëzakonisht shumë edhe sot.
Së fundmi Gold Ag i ka përlotur të gjithë fansat me një shkrim dedikuar babait të tij të ndjerë ku ndër të tjera shkruan se do kishte dashur që jeta t'i shkonte me të, që babai i tij ta mësonte dhe ta bënte të ndihej krenar.
Për më shumë lexoni postimin prekës të Gold Ag:
"KISHA DASHTË!!!
Kisha dashtë që i vogël ma shum me t’pa me sy
Me një dor me mpas nana e me një dor me t’mbajt ty
Kisha dashtë që bashk me nis shkollën fillore
E me të gëzu babë me notat në fletore
Kisha dashtë që shqiponjën me ta pa mu në ballë
Se e di që aty do ishe babë po t’ishe gjallë
Kisha dashtë me msu nga ti si shumë që i mësove
Eh veç Zoti e di o babë sa më mungove
Kisha dashtë me të tregu o ma i miri i ksaj bote
Se këtë karakter e kam nga zemra jote
Kisha dashtë me ty e nanën t’më shkoj jeta
Por jo nuk ankohem se Zoti i di këto janë punët e veta
Nuk ankohem jo se kështu ishte caktimi
Të Allahut jemi dhe tek Ai prap është kthimi
14.12.2017 (25 vite pa ty babi)"
19 Nov 2024 
