Përmbytjet kanë shkatërruar për herë të dytë në më pak se një vit qytetin e Mandrës në Atik,Athinë. Shira të tillë ekstrem nuk janë regjistruar në Greqi në muajt e verës. Reshjet e dendura kanë lënë pjesën më të madhe të kontinentit grek të përmbytur. Lumenjtë dolën nga shtrati duke përmbytur zonat në të gjithë territorin, përfshirë edhe Larisën. Qyteti i Mandrës, ku 24 vetë humbën jetën nëntorin e kaluar për shkak të përmbytjeve ekstreme, u godit rëndë përsëri. Nuk është raportuar asnjë humbje jete por banorë të shumtë publikuan video. Në to shihet sesi reshjet transformojnë rrugët në lumenj vërshues. Vërshime të rënda edhe në Sithonia Halkidiki, në pjesën veriore të Greqisë. Pasoja të rënda kanë shkaktuar vërshimet e reshjeve edhe në Nikiti.