Rike Roçi është një nga personazhet e dashura publike që u bë e famshme nga reality show “Big Brother Albania”. Me format e saj të mrekullueshme, karakterin e çiltër ajo menjëherë arriti të fitonte zemrat e shqiptarëve.

Së fundmi modelja e njohur e cila jeton në Itali, ka zbuluar një incident që i ka ndodhur me një ndejkës në Instagram, ku ndiqet nga shumë persona.

Njëri prej tyre është fiksuar keq pas bukuroshes shqiptare, që pasi e ka takuar në “Albafestival”. Kjo gjë e ka acaruar keq Riken, e cila e ka publikuar bisedën me të në Instastory dhe e kërcënon se do t’i publikojë emrin.

“Çfarë do nga unë, më lër rehat. Mos u bëj psikopat. Mos u bëj stalker!”- janë disa nga mesazhet që Rike i dërgon djalit të cilin sipas saj, e ka takuar gjatë një festivali.

“Ja njerëzit psikopatë! I takon rastësisht në një festival dhe pastaj s’të le rehat. Do të nxjerr emrin, mos vazhdoooo.”- shkruan Rike e revoltuar.