Rikthehen debatet dhe polemikat mes Safet Gjicit presidentit të ish-kampionëve kuksianë dhe Ardjan Takajt, president i korçarëve, të cilët janë aktualisht në pritje të vendimit të UEFA përfundimtar, për të marrë një vendim për fatin e klubit.
Gjici i ka kujtuar Takajt se nuk është faji i Kukësit që Skënderbeu u dënua dhe nuk luan dot në Champions.

Në fakt, presidenti i korçarëve pati thënë se nuk do të transferojë asnjë lojtar te Kukësi, pasi dy vite më parë, Gjici ua faturoi dështimin në Europë huazimeve nga Skënderbeu (Sabjen Lilaj, Liridon Latifi dhe Masato Fukui).

“Takaj nuk më ka uruar, por urimi më i madh do të ishte të na jap ndonjë lojtar”, është shprehur pak ditë më parë Safet Gjici.