Pas lajmeve për rikthimin në Parlament të ligjit të mbetjeve si dhe për diskutimin e dekoratave për komunistët në ish-diktaturë, ka reaguar për herë të parë dhe kreu i grupit parlamentar të Partisë Socialiste.

“Nuk ka më projekt-ligj për dekoratat apo për mbetjet. Grupi Parlamentar Socialist do t’i rikthejë në publik për një debat shterrues, bazuar në argumenta jo në akuza dhe në arsye jo në mllef. Bashkëqeverisja me njerëzit e zakonshëm ka filluar”,- shkruan Balla duke iu dhënë fund zërave për një rikthim të mundshëm në Parlament të ligjit të mbetjeve apo të diskutimit për dekoratat.