Ka rinisur qarkullimi në aksin Vlorë-Orikum, i cili u bllokua për shkak të rënies së disa masivëve shkëmborë nga skarpatet anësore të kësaj rruge.

Prej më shumë se 3 orësh ky aks ishte mbyllur nga policia, pasi kishte rrezik për shkëputjen e masivëve të tjerë.

Në vendngjarje mbërritën forcat xheniere, të cilat pasi kqyrën zonën deklaruan se nuk ka më rrezik për rënie shkëmbinjsh.

Policia ndodhet në vendngjarje duke orientuar trafikun. Nga shkëputja e masivit shkëmbor fatmirësisht nuk pati asnjë të lënduar.