Fluturimet e drejtpërdrejta kanë rifilluar midis Athinës dhe Shkupit pas një pauze 12-vjeçare. Rifillimi i fluturimeve direkt është pjesë e një shkrirje të vazhdueshme të marrëdhënieve midis dy fqinjëve, pas marrëveshjes për emrin e IRJ të Maqedonisë. Grekët  kundërshtonin emrin Maqedoni sepse emri i shtetit është i ngjashëm me një rajon fqinj në Greqinë veriore. Fluturimet e drejtpërdrejta u ndërprenë në vitin 2007 kur qeveria e mëparshme konservatore e Maqedonisë e quajti aeroportin e Shkupit me emrin e luftëtarit të lashtë grek Aleksandri i Madh, duke zemëruar Athinën. Por, me një marrëveshje të re më parë këtë vit, qeveria ra dakord të riemërtonte vendin Maqedonia e Veriut dhe aeroportin "Aeroporti Ndërkombëtar Shkup". Disa njerëz në të dy vendet e konsiderojnë marrëveshjen si një shitje dhe ende duhet të ratifikohet zyrtarisht nga të dyja palët. Megjithatë, hapat e hedhur mjaftuan që të lejohej rifillimi i fluturimit Athinë-Shkup, i cili u mirëprit nga zëvendës kryeministri i Maqedonisë për çështjet evropiane, Bujar Osmani, i cili foli nga Athina. "Greqia do të jetë aleati ynë më i afërt dhe tani po shkoj në aeroport, ndërsa ne rivendosim një lidhje ajrore që simbolizon një partneritet të ri strategjik në rajon", tha Osmani pas bisedimeve me ministrin e jashtëm grek George Katrougalos.