Këtë fundjavë autostrada Tiranë-Durrës do të jetë e lirë për automjetet, por të hënën rinis bllokimi.

ARRSH njofton se të hënën në orën 06.00 autostrada Tiranë-Durrës do të mbyllet sërish për të vijuar me riparimin e rrugës.

ARRSH dhe policia rrugore kanë hartuar planin e radhës për të shmangur bllokimin e qarkullimit.

Bllokimi/Devijimi i trafikut do të fillojë në orën 06:00 të ditës së hënë.

Trafiku në drejtim Tiranë-Durrës devijohet në kryqëzimin e Maminasit në drejtim të rrugës dytësore.

Automjetet që udhëtojnë nga Tirana në drejtim të Durrësit duhet të futen në nënkalimin e Maminasit ( Lalezit) të Autostradës dhe të vazhdojë në rrugën dytësore deri ne kryqëzimin e Sukthit dhe në vazhdim mund

të dalin përsëri në autostradë ose të vazhdojnë në rrugën dytesore.

Ky devijim do të vazhdojë deri ditën e Enjte datë 21/06/2018

Këshillojmë gjithashtu që mjetet e transportit të rëndë që udhëtojnë nga Fushë Kruja në drejtim të Durrësit të kthehen në rrugën dytësore në Voreë duke perdorur nënkalimin e rrugës së re.

Pas përfundimit të ndërhyrjes në segmentin Maminas – Sukth do të fillojë ndërhyrja në segmentet e tjera për të cilat ARRSH dhe Policia e Qarkullimit Rrugor do të përditësojnë skemat e lëvizjes dhe informojnë opinionin publik.