Tani kompania Google, po prezanton disa aplikacione duke sfiduar kështu shumë rivalë njëherësh. Një ndër ta është edhe “Play Family Library”, libraria e lojërave në familje, e cila është aplikacioni më i ri që do të prezantohet nga Google. Ky është një aplikacion që mundëson që deri në gjashtë persona të shpërndajnë aplikacione nga "Google PlayStore", ka treguar kjo kompani në një email të dërguar zhvilluesve të aplikacioneve.

"Pasi të prezantohet shpërndarja e aplikacioneve në familje, përdoruesit mund të shtojnë aplikacione që i kanë blerë, në librarinë familjare, pasi aplikacionet të pajtohen me këto rregulla" thonë nga kjo kompani. Pra “Play Family Library” do ti lejojë përdoruesit që aplikacionet të cilat i kanë blerë në “Play Store” ti shpërndajnë me familjen e tyre (deri në gjashtë persona), pa pasur nevojë që edhe ata të paguajnë për të njëjtin aplikacion.