Pasi lançoi në treg në muajin shkurt Galaxy S7 dhe Galaxy S7 Edge në katër variante ngjyrash, të zi, gold, te bardhë dhe silver, tashmë Samsung do të shtojë edhe një ngjyrë të 5-të, atë Pink Gold. Një zgjedhje më tepër estetike, duke qenë se nuk do të shoqërohet me asnjë ndryshim tjetër tek smartphon-at. Në fakt mendohet që kjo të jetë thjesht një strategji për të tërhequr vëmendje, duke qenë se vitin e kaluar Apple prezantoi iPhone-in "Rose Gold", një nuancë kjo që ditën e djeshme iu shtua edhe produktit MacBook. Dhe tani janë drejtuesit e Samsung ata që gjithashtu duan të asociojnë gjigandin korean me një ngjyrë të ngjashme!