Kështu këngëtarja 25-vjeçare pohoi se albumi i saj i ri është frymëzuar nga ndarja me producentin dhe DJ, Calvin Harris si dhe Ricky Hilfiger. Lidhja e saj me Harris ka qënë lidhja më e rëndësishme në jetën e saj. Pas ndarjes së tyre pas gati një viti bashkë, Rita është shprehur shpeshherë se ka kaluar një periudhë shumë të vështirë. Ishte viti 2014 kur u bë e ditur ndarja e tyre në kohën kur të dy po punonin për albumin e saj të dytë.
Ricky Hilfiger, djali i stilistit të famshëm Tommy Hilfiger, ishte gjithashtu një person shumë i rëndësishëm në jetën e saj, edhe pse lidhja e tyre zgjati vetëm 12 muaj.
Në një intervistë të fundit, e pyetur nëse lidhjet e saj e kishin influencuar për albumin e ri, ajo u shpreh: "Sigurisht, dy këngë i janë dedikuar pikërisht Harris. Puna është se në fillim isha shumë e inatosur, e urreja urreja, urreja atë person. Më pas thashë me vetë, qetësohu...". Hitbërësja e "Body On Me" shtoi gjithashtu se në këtë album ka një paradoks ndjenjash si urrejtje, gëzim, trishtim, çdo gjë.