The Rolling Stones kanë shkruar historinë e rock&roll prej më shumë se 5 dekadash së bashku dhe kanë vendosur ta festojnë në një mënyrë vërtet unike. Anëtarët e bandës britanike, Sir Mick Jagger, Keith Richards, Ronnie Wood dhe Charlie Watts bashkuan forcat për hapjen e një galerie ku shfaqeshin 50 vite histori të Rolling Stones.

Duke filluar nga instrumentat e përdorura në koncerte të ndryshme dhe deri tek tekste këngësh të shkruara me dorë, kjo galeri përmban realisht gjithçka nga Rolling Stones.Së bashku “djemtë” e adhuruar për muzikën e tyre janë plot 286 vjeç, por duket se ende nuk duan të ndalen për asgjë. Ata lajmëruan publikimin e një albumi të ri më vonë gjatë këtij viti, në të cilin do të dominojë rryma blues.