Pas hedhjes së shortit të grupeve të Champions League është përcaktuar edhe “Lojtari më i mirë i Europës” për sezonin e kaluar.  Sigurisht që ky çmim i shkoi Cristiano Ronaldos, i cili u shpall si futbollisti që pati ndikim më të madh dhe absolut në fitoren e trofeut të Championsit nga ana e Realit të Madridit.

Në garë për këtë trofe individual ishin edhe Gareth Bale dhe Antoine Griezmann.

Këto janë fjalet e tij pas trofeut të fituar:

“Përsa i përket trofeve, mund të them me siguri se ky ka qenë sezoni më i mirë i karrierës sime. Kam pasur shumë sezone të mëdha që kur kam filluar të luajë, por ky ishte i veçantë. Më duhet të falënderoj bashkëlojtaret e mi në Real Madrid dhe Portugali. Nuk do të ishte e drejtë në qoftë se unë nuk do të përmendi Bale dhe Griezmann – 2 lojtarë të mahnitshëm.  Ëndrra ime ishte që të bëhem një futbollist dhe ëndrrat vijnë vërtetë. Bale & Griezmann e meritojnë këtë çmim poashtu. Griezmann, më vjen keq që nuk ke fituar asnjë nga finalet kundër nesh.”