Juventus e ka nisur në mënyrën më të mirë sezonin e ri në Champions League, duke fituar 2-0 në transfertë ndaj Valencias, edhe pse luajtën për një orë me një lojtarë më pak. Cristiano Ronaldo u largua me karton te kuq në minutën e 30-të nga gjyqtari Felix Bryzh. Mbrojtësi Murillo simuloi brenda zonës duke u rrëzuar, teksa portugezi e ka prekur në kokë për t’i bërë shenjë për të ngritur, një gjest që është parë ndryshe nga anësori pas porte që i bëri me shenjë gjyqtarit kryesor për ta ndëshkuar me karton të kuq. Ronaldo shpërtheu më pas në lot duke thënë se nuk ka bërë asgjë.

Në minutën e fundit të pjesës së parë, bardhezinjtë fituan një penallti, e cila u kthye në gol nga Miralem Pjanic. Fillimi i pjesës së dytë ishte sërish më i mirë për torinezët që gjetën golin e dytë,s ërish nga pika e bardhë, me të njëjtin autor, Pjanic. Në minutën e 5-të shtesë, Parejo humbi një penallti që u prit mjaft mirë nga Szczesny.

Në ndeshjen tjetër të Grupit H, Manchester United fitoi 3-0 në transfertën ndaj Young Boys. Pogba hapi serinë e golave në minutën e 35-të, ndërkohë që 1 minuta nga fundi i pjesës së parë, francezi shënoi nga pika e bardhë. Në pjesën e dytë në minutën e 66-të, Martial shënoi golin e tretë për skuadrën e tij.

Ajax mposhti 3-0 AEK-un e Athinës, në Amsterdam.

Gjithçka ndodhi në pjesën e dytë, kur që në minutën e parë të këtij fraksioni Nicolas Tagliafico shënoi për vendasit. Donny van de Beek realizoi golin e dytë për Ajax. Në minutën e fundit pati kohë edhe për golin e tretë “firmosur” nga sërish nga mbrojtësi argjentinas Nicolas Tagliafico.

Ndërkohë, Shakhtar dhe Hoffenheim ndanë nga një pikë në ndeshjen e luajtur në Ukrainë, e cila u mbyll 2-2.

Real Madrid e ka nisur me sukses mbrojtjen e titullit teksa mposhtur me rezultatin 3-0 AS Roma-n. Ishte pikërisht Isco me një perlë nga goditja standarde që i dha avantazhin Los Blancos në minutën e 45’. Pas pushimit Roma tregohet më agresive por ndëshkohet nga goli i dytë i shënuar nga Gareth Bale. Në fund kishte edhe disa minuta për Mariano, i cili shënon një gol “alla” Ronaldo në ndeshjen e parë të sezonit në Champions League. Ndërkohë në përballjen tjetër të grupit G, Plzen barazuar 2-2 ndaj CSKA Moscow.

Lyon ka befasuar të gjithë teksa ka mposhtur Manchester City-n në Etihad me rezultatin 2-1. Padyshim që mungesa e Guardiola-s ka ndikuar te dështimi i papritur i Qytetarëve të cilët ishin hija e vetvetes mbrëmjen e sotme. Dy gola brenda pjesës së parë i kanë dhënë një goditje të rëndë lojtarëve të City-t. Cornet në të 26-ën dhe Fekir në të 43-ën kanë mundësuar avantazhin e dyfishtë për francezit, shkruan telesport. Pas pushimit anglezët mundohen të rifuten në lojë dhe ngushtojnë rezultatin me golin e Bernardo Silva-s, por nuk arriti të përmbyste rezultatin.

Bayern ka fituar pa shumë probleme ndaj Benfica-s me rezultatin 2-0 në Estadio da Luz. Bavarezët ishin superiorë që pas fërshëllimës së arbitrit dhe arrin të gjejë golin e avantazhit që në minutën e 10-të me anë të Robert Lewandowski-t.

Pas pushimit ishte djaloshi i rritur te Benfica Renato Sanches, i cili deri para disa muajsh është cilësuar një dështim, ai që dyfishon rezultatin pas një aksioni spektakolar të gjermanëve.