Ronela Hajati dhe Young Zerka kanë qenë në qendër të vëmendjes për lidhjen e tyre të dashurisë disa vjeçare, që i dhanë fund pak muaj më parë. Pavarësisht spekulimeve se dyshja është ndarë, vetëm pak ditë më parë ishte Ronela e cila pranoi se është single në emisionin “Në Kurthin e Piter Pan”.

“Unë jam çuditërisht më e padashuruar se asnjëherë, edhe jam vetëm. Jam shumë e fokusuar me punën, kjo karantina më ka ndihmuar shumë të rigjej vetveten, t’ja rinis punës dhe me shpresë që zoti i di të gjitha, i ka shkruar ca gjëra për ne, kështu që ndonjëherë është e kotë të kërkojmë gjëra që nuk e dimë nëse do të bëhen ndonjëherë”, tha Ronela.

Së fundmi, në një intervistë për mediat kosovare këngëtarja tregoi se fokusi i saj për momentin është vetëm muzika, teksa shtoi se njeriu nuk mjaftohet asnjëherë as kur është single e as kur është në një lidhje.

“Po beqare jam dhe shumë mirë madje. Punë vetëm punë për momentin. Është e vetmja gjë ku jam shumë e fokusuar dhe ndonjëherëe jam dhe overthinking gjatë gjithë kohës, dhe kur fle mendoj për punë. Jam e izoluar dhe e fokusuar vetëm në punë. Po ndihem shumë mirë.

Njeriu nuk mjaftohet kurrë me asgjë edhe kur je shumë shumë mirë, prapë do të kesh diçka që nuk e ke. Unë shoh shoqet e mia. Kur janë në një lidhje duan të kalojnë kohë vetëm me shoqet, kur janë vetëm duan lidhje. Kur kanë diçka, duan diçka tjetër. Njeriu nuk ngopet”, tha Ronela.