Ronela Hajati dhe Young Zerka janë ndër dyshet më të përfolura në shoëbizz-in shqiptar, kryesisht sepse kurrë nuk e kemi zbuluar plotësisht nëse janë ose jo në një lidhje.

Shpesh të dy artistët lënë për t'u kuptuar se mund të jenë në një lidhje e herë të tjera lënë të nënkuptohet e kundërta dhe gati duket sikur po luajnë me të gjithë vëmendjen që u kushtohet.

Kështu është shprehur edhe Ronela në intervistën e saj të fundit në "N'drrimi i natës" ku tha se ishte e vetme dhe që për momentin nuk po kalon një romancë.

Këngëtarja tregoi se arsyeja pse nuk e ka konfirmuar lidhjen janë pikërisht mediat siç raporton edhe “xing.al”.

"Sepse unë punoja aq shumë dhe mundohesha të nxirrja diçka në dritë, e mediat ishin negative karshi meje. Shkruanin gjëra të këqija, prandaj edhe unë pse të flas", është shprehur Ronela.