Mesfushori i krahut i Kombëtares shqiptare, Odise Roshi ka konfirmuar se do të jetë i gatshëm në formën më të mirë fizike përballë Lihtenshtajnit.

Në një intervistë për “Panorama Sport”, Roshi megjithëse nuk i pëlqen parashikimi ka dhënë një ide sa mund të përfundojë ndeshja mes Lihtenshtejnit dhe Shqipërisë.

“Shqipëria e ka tashmë të provuar që kur luan kundër skuadrave që konsiderohen të vogla, ata mblidhen në mbrojtje dhe për Shqipërinë ka qenë shumë herë e vështirë për të marrë maksimumin në ndeshje të tilla. Gjëja më e mirë është që ne të shënojmë sa më shpejt. Detyra jonë është që ta fitojmë këtë ndeshje. Nuk më pëlqen të bëj parashikime, por po e provoj. Fitojmë 0-2 me gola të Memushajt dhe Balajt”, u shpreh Roshi.