Një foto tipike “ushtrie”, e ngurtë, zakonisht pa emocione në fytyrë, të ngrira...dhe ç’është më e rëndësishmja, pa photoshop! Pjesa më e keqe është se do të të duhet të presësh 5 apo 10 vite deri sa të skadojë dokumenti i identifikimit. Për këtë arsye fotot më të bukura janë ato që i thjesht i përafrohen normales. Dhe...le ta pranojmë, pjesa më e madhe nuk i nxjerrin ato foto në dritën e diellit. Nuk përjashtojmë se ka dhe nga ata që e bëjnë, dhe natyrisht që bëhen pjesë e ndonjë shakaje.

Duket se pikërisht këtu ka lindur dhe loja më e fundit ndërmjet disa personazheve të njohur shqiptare. Gjithçka ka filluar me Rozana Radin, e cila siç e theksoi dhe vetë “hapi vallen e lojës së kartave të identitetit”, duke postuar fillimisht të vetën dhe më pas duke nominuar edhe të tjerë, dhe kështu vazhdoi zinxhiri. Jo të gjithë iu përgjigjën apelit, por ka dhe nga ata që e bënë. Foto të cilat përbënin dhe përjashtime nga çfarë kemi parë deri tani, me Julkën dhe Fiorin të cilat kanë pozuar pak më të buzëqeshura. E ndërsa Rozana e filloi lojën thjesht me fotot, Julka dhe Bes Kallaku i bënë një foto më të plotë letërnjoftimeve duke zbuluar edhe më shumë info nga dokumenti i tyre. Veçanërsisht për Besin, një “katunar dhe loki” i vetëdeklaruar zbuluam që ka lindur në Tiranë, çka shkaktoi komente simpatike edhe nga fansat e tij. Ja fotot e postuara: