Kjo e mërkurë në Soiree me Jonida Shehun në Top Channel i ishte dedikuar artistit të madh Françesk Radit. Duke filluar nga bashkëshortja e tij deri tek miqtë më të afërt të këngëtarit ishin mbledhur për të kujtuar artistin që bëri revolucion në muzikën shqiptare. Mes tyre ishte edhe mbesa e tij, Rozana Radi, e cila është emocionuar teksa fliste për xhaxhain e saj.

Ajo ka treguar mesazhin që ka marrë nga Françesk Radi kur fitoi çmimin e parë të Këngës Magjike. "Mbaj mend një mesazh. Kur unë pata fatin e madh të vlerësohesha nga të gjithë artistët, të merrja çmimin e parë në Këngën Magjike mbaj mend një mesazh të Frankos që e ruaj akoma me fanatizëm, i cili më shkruajti 'i vure vulën Këngës Magjike. Më more çmimin që nuk e mora kurrë", ka treguar Rozana Radi.

Ndër të tjera, Rozana është shprehur se kur Françesku u largua nga jeta, është mërzitur më shumë për të sesa për babain e saj, por kjo e ka një shpjegim... "Ndoshta është e tepërt dhe dikush do thotë se pse e tha këtë fjalë, por jam mërzitur më shumë për Frankon. Babin e humba në një moshë shumë të vogël, në moshën 23 vjeçare dhe në një farë mënyrë Franko zëvendësoi boshllikun që babi më la dhe sigurisht që çdo gjë që bëja e bëja për atë", është shprehur Rozi.

View this post on Instagram

Mesazhi i Françesk Radit për Rozanën kur fitoi Këngën Magjike... #PërFrançeskRadin @rozana_radi @jonida.shehu @topchannelalbania #soiree #topchannel #jonidashehu #television #media #interview #fun #friends #show #tvshow #artists #cinema #tv #art #party #wine #winelovers? #music #livemusic #celebrities #entertainment #beauty #fashion #jackdaniels #karealbania #karedesign

A post shared by Soirée (@soiree_topchannel) on Oct 16, 2019 at 1:33pm PDT