36 vjeçari së fundmi është rikthyer në tregun muzikor pas një shkëputjeje të gjatë nga muzika me këngën “Kujtoje”. Nuk mund ta linin pa e pyetur se çfarë ndodhi  me grupin e njohur Kthjellu, ku Mentori ka qenë dhe vokalist. Që në momentin e parë që dëgjoi pyetjen këngëtari shprehu menjëherë pakënaqësitë  e tij kundrejt pjestarëve të tjerë. Mentori deklaroi se “Kthjellu ishte vet ai, dhe gjithë punën e bënte i vetëm”. Në këtë mënyrë erdhi dhe shpërbërja e Kthjellu. Më pas,  rrefeu se kënga më e njohur e grupit, “Diçka”, ishte krijimi i tij dhe i Alban Skënderaj. Askush nga pjestarët e tjerë nuk kontribuoi. Këngëtari u pyet dhe rreth marrëdhënies me pjestarët e tjerë. Haziri deklaroi se “ruan marrdhënien me pjestarët e tjerë, me të gjithë përveç Andosit ” . Kujtojme që këngëtari Andos dikur ka qenë kitaristi i Kthjellu. Duket qartë, edhe pse ai vetë nuk e tha me gojën e tij, se ka një hatërmbetje midis Mentorit dhe Andosit.