Presidenti amerikan Donald Trump është tërhequr nga deklarata e përbashkët, në fund të samitit G7, duke akuzuar Kanadanë për 'pandershmëri'.
Vendet e tjera sipas tij po vendosin 'tarifa masive' për Amerikën. Komunikata e përbashkët, bazuar mbi sistemin tregtar, u arrit pavarësisht tensionet mbi tarifat amerikane për importet e çelikut dhe aluminit.
Ndërkohë, Kryeministri kanadez Justin Trudeau, tha se do të hakmerret me tarifa duke nisur nga 1 Korriku.
Në një konferencë për shtyp, Trudeau e vlerësoi si 'fyes' vendimin e Trump për të përfshirë sigurinë kombëtare me qëllim justifikimin e tarifave të çelikut dhe aluminit.
"Kanadezët janë të sjellshëm dhe të arsyeshëm, por nuk e lëmë veten të nëpërkëmbemi" ka thënë Trudeau.
"Fjalët e tij nuk përmbanin asgjë të pathënë më parë, si në biseda publike, ashtu edhe në ato private, zhvilluar me z.Trump", tha më vonë zyra e tij.
Ndërkohë Bashkimi Europian u shpreh se do t'i qëndroj deri në fund deklaratës së përbashkët, pavarësisht vendimit të Trump.
20 Dec 2024 
