Gjatë prezantimit të platformës së bashkëqeverisjes me qytetarët e Rrëshenit, nuk kanë munguar edhe batutat mes kryeministrit dhe të pranishmëve.

Dhe ajo që solli më shumë të qeshura mes tyre ishte biseda me një qytetar.

Ndërsa ky i fundit po e pyeste, Rama i tha se kur e kishte mjekrën e gjatë fliste më pak.

Ndërsa banori iu përgjigj se ia kishte prerë Vettingu. Në batutë e sipër kryeministri ia kthen se ia ka prerë gruaja dhe jo Lu-ja ( ambasadori amerikan Donald Lu).

Batuta e Plotë

Rama: Kur ke pas mjekrën e gjatë fliste më pak, tani që I ke shkurtuar flet më shumë më kanë thënë.

Qytetari: Mustaqet m'i hoqi Vettingu

Rama: Kush ta bëri Vettingun ty gruaja, se Lu-ja nuk merret me ty.

Qytetari: Kur të mbarojmë a do të bëjmë edhe një foto

Rama: Do ta bëj një foto dhe do e nxjërr në FB para dhe pas Vettingut.

Gjatë fjalës së tij në Rrëshen Rama tha se platforma e bashkëqeverisjes me qytetarët u ka dhënë zgjidhje rreth 1400 personave duke theksuar se në 100 ditë janë shkarkuar 35 punonjës të administratës.