Një shqiptar 51 vjeç akuzohet nga policia italiane për dhunë të vazhdueshme ndaj bashkëshortes së tij dhe vajzës së tij të mitur.  Disa muaj më parë E.G. një shqiptar 51-vjeçar u kthye në qendër të vëmendjes së medieve sepse kishte rrahur gruan e tij vetëm se ajo kishte harruar t'i blinte verë. Mediet italiane shkruajnë se 51-vjeçari e rrihte vazhdimisht gruan e tij 39-vjeçaren e cila e kishte denoncuar edhe në polici për keqtrajtim apo edhe dhunë seksuale ( e detyronte shpeshherë të kryente marrëdhënie seksuale kundër vullnetit të saj). Por më e rënda e gjithë historisë është fakti që burri ngacmonte seksualisht edhe vajzën e tij më të madhe që në moshën 12 vjeçare. Sipas asaj që deklaron vajza e tij, tashmë 17 vjeç, babai sa herë që ajo ishte vetëm shfrytëzonte rastin për ta prekur atë në pizhame apo edhe në zonën intime. 51-vjeçari është duke u hetuar për dhunë seksuale. Përsa i përket krimeve të abuzimit në familje dhe dhunës seksuale ndaj gruas së tij, shqiptari duhet të përballet me vendimin e gjykatës më 18 dhjetor.