Çmimet e produkteve në tregje kanë njohur rritje edhe këtë fundvit. Por konsumatorët thonë se bëhet fjalë për një rritje të lehtë duke e krahasuar këtë me vitet e kaluara, ku çmimet kanë qenë mjaft të kripura. Bashkia e Tiranës është përpjekur të ruajë të njëjtat nivele çmimesh, edhe me kontrolle në tregje, por sërish ka abuzime nga tregtarët. Për disa kategori, si ajo e pensionistëve dhe shtresat e varfëra, cmimet e shportës së fundvitit janë të papërballueshme. Tregtarët duket se nuk kanë hequr dorë nga tradita e shtrenjtimit të produkteve që shesin, në çdo sezon festash e aq më tepër për ato të fundvitit.