Obeziteti është shndërruar në një nga problemet me të cilin po përballet e gjithë popullsia e botës. Dhe një nga shqetësimet më të mëdha është obezitetit tek fëmijët. Ushqimet mënyra e jetesës konsiderohen ndër faktorët kryesorë që e kanë shndërruar obezitetin një faktor alarmant.

Edhe në Shqipëri sidomos në 10- vjeçarin e fundit shqetësim mbetet obeziteti tek fëmijët e moshës 8 dhe 9 vjeç.

Sipas të dhënave të ISHP-së rreth 22% e fëmijëve të kësaj grupmoshe janë në mbi peshë, prej të cilëve 10% janë obezë.

Një situatë të tillë Ministrja e Shëndetesisë Ogerta Manastirliu e konsideroi një këmbanë alarmi dhe se duhet ndërmarrë menjëherë një plan kombëtar për mirëushqyerjen e fëmijët.
sink

Do të ndërmarrim një plan kombëtar veprimi me tre komponentë. Shëndetin e gruas shtatzënë, nxitjen e ushqyetjes me gji dhe mirëushqyerjen e fëmijëve

Ndërkaq, fokusi sipas Ministres  do të jetë edhe tek ndryshimi i menuve në çerdhe dhe kopshte në gjithë vendin.

Sipas studimit të fundit demografik dhe shëndetësor nënvizohet se në 10 vjeçarin e fundit ka tregues të përmirësuar të gjendjes nutricionale të fëmijëve 0-5 vjeç.

Aktualisht vetëm 11% e femijëve janë të shkurtër për moshën (stunting) krahasuar me 19% që raportohej 10 vite më parë. Sipas studimit, vetëm 2% janë të dobët për gjatësinë e tyre krahasuar me 9% që raportohej në 2008.