Vendimi i Kryeministrit, Edi Rama për të rritur pagat e pedagogëve, nuk i ka bërë aspak entuziastë profesorët shqiptarë, përkundrazi, ata mendojnë se premtimi është thjesht një farsë, që nuk do të ndikojë në pagesën e tyre. Pedagogia Dhurata Shehri  sqaron për IN TV se rritja nuk është gjë tjetër veçse kompesim për vlerën që paguajnë përmes taksave dhe tatimeve që janë shtuar vitet e fundit. Një pedagog në Shqipëri ka pagën më të ulët se kolegët  e tyre në rajon. Ata paguhen mesatarisht 70 apo 75 mijë lekë të rinj në muaj, ndërsa kolegët e tyre në Kosovë marrin më shumë.