Sipas Ahmetaj oferta e kompanisë kineze u kundërshuar pasi ishte në kundërshtim me interesin publik, por ai theksoi se “Rruga e Arbrit” do të ndërtohet me koncesion, dhe që deri në muajin maj do të përfundojë vlerësimi i ofertave.

“Në Ministrinë e Transporteve ka filluar një proces partneriteti publik-privat dhe ka avancuar me krijimin e komisionit. Unë besoj se deri në maj të vitit 2017, procedura të ketë mbaruar dhe në terren shpresoj të kenë filluar punimet. Ka pasur një përgjegjshmëri maksimale nga ana e qeverisë për ta rrëzuar ofertën e kompanisë kineze, që ishte në kundërshtim me interesin publik”, tha ndër të tjerat ministri Ahmetaj.