Në maj u mbajt në Izrael "Eurovision 2019", ku Shqipëria u përfaqësua nga Jonida Maliqi me këngën "Ktheju Tokës", një këngë me një mesazh të fuqishëm.

Kjo këngë fillimisht u shpall fituese në Festivalin e Këngës në RTSH dhe siç tregon Jonida kënga fituese duhet të paguhej nga RTSH.

E ftuar në emisionin "3shat", këngëtarja u shpreh: "Me sa kam informacion po, kënga fituese pagohet, por ende nuk ma kanë konfirmuar. E kam marrë vesh nga kolegët e mi dhe nga ata që kanë qenë më parë pjesëmarrës. Nuk i kam marrë ato para".

E pyetur nëse shpreson t'i marrë ato para, Jonida u përgjigj: "Do t'i jap kohë dhe nëse do të jenë, patjetër që do t'i marr".