Një stacion metroje në Moskë u mbyll pas raportimeve për një grua të veshur në të zeza, e cila mbante në dorë një kokë fëmije. Mediat ruse shkruajnë se gruaja bërtiste “Allahu Akbar”.

Sipas “LifeNews”, viktima ishte një vajzë e vogël, e identifikuar si Nastya M. Ajo ka nxjerrë kokën e fëmijës nga çanta dhe duke bërtitur është shprehur se ka vrarë një vajzë.

Nga pamjet mësohet se arrestimi i gruas është bërë në afërsi të metrosë “Oktyabrskoye Pole”, në veriperëndim të Moskës.