Nuk ka fitues ne klasiken e futbollit anglez, Liverpool barazon pa gola me Manchester United, shumë yje në fushë, por asnjë prej tyre nuk arriti të shënonte një gol që do t’i jepte vlerën e duhur një ndeshjeje gjithsesi elektrizuese, e cila mbajti të mbërthyer tifozët në impiantin “Anfield”.

Pjesa e parë u mbyll pa ndonjë mundësi që ia vlen të përmendet, ndërsa në të dytën Liverpooli rrezikoi disa herë portën e David de Geas. Fillimisht ishte Emre Can që gjuajti nga afro 16 metra por portieri spanjoll ndali e goditjen e tij.

Mundësia më e mirë iu shfaqë Roberto Firminos në minutën e 84-të, por edhe braziliani e pati të pamundur ta mposhtte De Gean dhe kësisoj ndeshja u mbyll me rezultatin 0:0. Me këtë barazim Liverpooli ngjitet në pozitën e katërt me 17 pikë, ndërsa Manchester United mbetet i shtati me 14 pikë.