Që Turi do të largohet dihet tashmë, por çfarë do të ndodhë me Apartamentin 2XL?

Lajmi për largimin e Turit në “Klan Plus” u përhap me shpejtësi në të gjitha mediat. Ai e mohoi fillimisht këtë lajm, por më pas u kap “mat” në ambjentet e televizionit “Klan” në shoqërinë e Aleksandër Frangaj.

U aludua se në muajin shtator, në sezonin e ri, Turi pritet të nisë një emision me lojëra, të ngjashëm me emisionet që drejtonte në fillimet e tij, por nuk ka patur gjë zyrtare.

Sakaq, u aludua edhe se Turi nuk do shkojë i vetëm në televizionin “Klan” por do të marrë me vete edhe trupën e aktorëve të “Apartamentit 2XL”. Lajm ky që sërish u hodh poshtë jo vetëm nga Turi, por edhe nga trupa e aktorëve.

Mirëpo tashmë nuk ka më dyshime, sepse këtë lajm e pranoi vetë Julian Deda me anë të një postimi në Facebook.

Ai falënderoi të gjithë bashkëpunëtoret e tij për 9 vite në Tring dhe Vizion Plus e ka lajmëruar që së bashku me stafin e Apartamentit po largohen në një televizion tjetër dhe me siguri për në Klan, përderisa Juli e quan si rikthim të tij dhe aty do gjejnë Turin.