Janë cilësuar si 7 ligjet e emergjencës, për reformën në drejtësi, por tashmë SHBA e BE kërkojnë që këto ligje të liratohen pa u mbyllur ky sesion parlamentar. Ilir Meta deklaroi një ditë më parë se po tentohet të prishet konsensusi, duke ndërprerë kështu në mes vizitën e tij në SHBA. Por dy ambasadorët e angazhuar maksimalisht në procesin e reformës në drejtësi, Lu e Vllahutin, kanë shpërndarë një deklaratë të përbashkët për mediat, ku i kërkojnë politikës shqiptare të miratojnë 7 ligjet e emergjencë, duke filluar me atë të Vettingut. Kjo do të thotë se deputetët duhet të jenë në Shqipëri të paktën për 15 ditëshin e parë të muajit Gusht, duke shtyrë pushimet verore për gjysmën e dytë të muajit.

Deklarata e SHBA dhe BE:
“BE së bashku me SHBA-të kanë kërkuar miratimin e shpejtë të shtatë ligjeve, dhe të parin ligjit e vlerësimit (vetting), në mënyrë që të përshpejtohet zbatimi i paketës së Reformës në Drejtësi.
Kjo gjë i është bërë e ditur të gjithë udhëheqësve politikë, dhe Kryetari i Kuvendit Meta ka konfirmuar se si Kryetar i Kuvendit është i gatshëm të thërrasë mbledhjen e një seance të jashtëzakonshme të Kuvendit me të hyrë në fuqi Ndryshimet Kushtetuese (më 11 gusht), meqenëse krerët e grupeve parlamentare kanë rënë dakort për këtë.
Miratimi i shpejtë i ligjeve zbatuese është parakusht për nisjen e zbatimit të Reformës në Drejtësi, dhe i një rëndësie themelore për rrugën evropiane të Shqipërisë”.
Ndërkohë Kryetari i Kuvendit Meta ka konfirmuar se si Kryetar i Kuvendit është i gatshëm të thërrasë mbledhjen e një seance të jashtëzakonshme të Kuvendit me të hyrë në fuqi Ndryshimet Kushtetuese (më 11 gusht), meqenëse krerët e grupeve parlamentare kanë rënë dakort për këtë. Tashmë pritet se si do të sillët politika shqiptare, pas konsensusit historik të saj, ku miratoi me 140 vota pro ndryshimet kushtetuese.