Dy puntata më parë, Atdheu u rikthye në “Përputhen” pasi pati një përballje me Antonelën. Por Antonela u shpreh se ka ende një pëlqim për Atdheun, ndërsa ai tha se për dashuri i thyen rregullat. “Kam ardhur në emision dhe ke qenë një ndër pëlqimet e mia kryesore dhe nga krenaria që kemi të dy nuk kemi dalë kurrë bashkë.

Gjithsesi pëlqimi ka mbetur dhe sot. Kur kam ardhur tek lokali kam ardhur për respektin që kisha për ty dhe për pëlqimin. Kur më the që po të coj në shtëpi, e kisha besën. Ti u afrove i pari si mashkull, por nuk e prisja dhe ngaqë është një nga rregullat e emisionit që nuk duhet të takohemi e puthemi”, tha Antonela. Por pas kësaj deklarate, duket se Atdheu dhe Antonela e kanë kaluar ditën e djeshme bashkë. Vet ata kanë dalë zbuluar nga postimet në Instagram. Si Atdheu dhe Antonela kanë publikuar disa foto e video nga Saranda, duke treguar se kanë qenë bashkë në qytetin bregdetar.