Në shtator të vitit të kaluar Elita Rudi dhe Gjiko kurorëzuan me martesë dashurinë disavjeçare dhe një vit më pas ata u bënë prindër të një djali. Këngëtari dhe moderatorja bukuroshe po jetojnë momentet më të bukura si prindër me vogëlushin e tyre, Zërin.

Emër ky që u komentua shumë nga fansat e çiftit dhe ata janë bërë kuriozë se pse Gjiko dhe Elita vendosën ta quajnë të birin e tyre kështu.  Reperi i njohur ka qenë së fundmi i ftuar në emisionin “Nd’rrimi Natës” ku është pyetur dhe për emrin e vogëlushit të tij ku dhe zbuloi se ideja e kujt ishte ky emër.

“Një e afërme e jona na e sugjeroi vetëm Zë, e mua më pëlqeu shumë. Por Zë më dukej shumë shkurt, prandaj vendosëm t’ia lëmë Zëri”, tregoi Gjiko.